Azərbaycan Ordusunun Baş Qərargah rəisi general-polkovnik Kərim Vəliyev Pakistan nümayəndə heyəti ilə görüş keçirib.
Elpress.az xəbər verir ki, Müdafiə nazirinin birinci müavini Kərim Vəliyev ölkəmizdə səfərdə olan Pakistan İslam Respublikası Müdafiə Qüvvələri Qərargahının Xarici Hərbi Əməkdaşlıq Baş İdarəsinin rəisi general-mayor Məhəmməd İmran Xan Babarın rəhbərlik etdiyi nümayəndə heyətini qəbul edib.Görüş zamanı Azərbaycan və Pakistan arasında münasibətlərin dostluq və qardaşlıq prinsiplərinə əsaslandığı vurğulanıb. Kərim Vəliyev iki ölkənin strateji tərəfdaşlığının mövcud səviyyəsindən məmnunluğunu ifadə edib.Baş Qərargah rəisi müdafiə qurumlarının rəhbər heyətləri arasında keçirilən mütəmadi görüşlərin hərbi əlaqələrin inkişafına mühüm töhfə verdiyini bildirib.Pakistan nümayəndə heyətinin rəhbəri isə göstərilən qonaqpərvərliyə görə təşəkkürünü çatdıraraq qarşılıqlı səfər və görüşlərin iki ölkənin hərbi əməkdaşlığını daha da gücləndirdiyini qeyd edib.
Tərəflər hərbi təhsil, hərbi-texniki əməkdaşlıq, birgə təlimlər və qarşılıqlı maraq doğuran digər məsələlər ətrafında fikir mübadiləsi aparıblar.
