Elpress.az xəbər verir ki, Azərbaycanın ədliyyə naziri Fərid Əhmədov Türkiyənin ədliyyə naziri Akın Gürlek ilə görüş keçirib.
Görüş zamanı Fərid Əhmədov Azərbaycan ilə Türkiyə arasında qardaşlıq və müttəfiqlik münasibətlərinin bütün istiqamətlər üzrə uğurla inkişaf etdiyini vurğulayaraq, qarşılıqlı etimad və dəstəyə əsaslanan əməkdaşlığın əhəmiyyətini qeyd edib.
Tərəflər iki ölkə arasında ədliyyə sahəsində mövcud əməkdaşlığın vəziyyətini və gələcək inkişaf perspektivlərini müzakirə ediblər. Bildirilib ki, son illərdə nazirliklər arasında reallaşdırılan qarşılıqlı səfərlər, imzalanan sənədlər və birgə fəaliyyət mexanizmləri əlaqələrin daha da möhkəmlənməsində mühüm rol oynayıb.
Görüşdə hüquqi yardım, penitensiar və probasiya sistemləri, rəqəmsal texnologiyaların tətbiqi, təcrübə mübadiləsi və kadr hazırlığı sahələrində əməkdaşlığın genişləndirilməsinin vacibliyi xüsusi vurğulanıb.
Həmçinin qeyd olunub ki, Türk Dövlətləri Təşkilatı çərçivəsində həyata keçirilən birgə layihələr və çoxtərəfli əməkdaşlıq mexanizmləri hüquq sahəsində inteqrasiyanın daha da güclənməsinə töhfə verir.
Sonda tərəflər qarşılıqlı maraq doğuran digər məsələlər ətrafında da fikir mübadiləsi aparıblar.
