Aysel Əlibəyli
13 İyun 2026 · 21:34
1064 baxış
Azərbaycanın Xalq artisti Flora Kərimova səhhətində yaranan narahatlıq səbəbindən tibb müəssisəsinə yerləşdirilib.
Elpress.az xəbər verir ki, tanınmış sənətçinin müalicə prosesi xüsusi diqqətdə saxlanılır. Bildirilir ki, Birinci vitse-prezident Mehriban Əliyeva onun müalicəsinin gedişini şəxsi nəzarətinə götürüb.Həmçinin Prezidentin köməkçisi, Heydər Əliyev Fondunun icraçı direktoru Anar Ələkbərov xəstəxanada olaraq həkim heyəti ilə görüşüb və aparılan müalicə tədbirləri barədə məlumat əldə edib.Yaxınlarının sözlərinə görə, xalq artistinin vəziyyəti qənaətbəxş qiymətləndirilir. Hazırda onun sağlamlığının yaxşılaşması istiqamətində zəruri tibbi prosedurlar davam etdirilir.
