Dünyaca məşhur aktyor Ceki Çan Bakıya gəldi: Sosial şəbəkələrdəki ilkin fotolarda görüntülənən şəxs isə onun dublyoru olub
Elpress.az xəbər verir ki, Ekranda döyüş sənətinin canlı əfsanəsi Ceki Çan “Tanrının zirehi 4: Ultimatum” beynəlxalq macəra filminin çəkilişləri çərçivəsində Bakıya qədəm qoyub. Paytaxtdakı otellərdən birində məskunlaşan aktyor gün ərzində şəhəri gəzdikdən sonra çəkiliş prosesinə start verəcək.Səfərdən öncə sosial şəbəkələrdə Bakı küçələrindən paylaşılan və böyük maraq doğuran görüntülərin isə Ceki Çanın özünə deyil, çəkiliş məkanlarını öncədən gəzən dublyoruna aid olduğu, habelə bəzi kadrlarda süni intellektdən istifadə edildiyi üzə çıxıb. Əfsanəvi ulduzun rol aldığı ekran əsərinin kadrlarında İçərişəhər, Dağüstü park, Fəvvarələr meydanı kimi tarixi və görməli məkanlar yer alacaq.
