Bakı Dövlət Universiteti ilə Özbəkistanın Əlişir Nəvai adına Daşkənd Dövlət Özbək Dili və Ədəbiyyatı Universiteti arasında əməkdaşlıq memorandumu imzalanıb.
Bakı Dövlət Universiteti (BDU) və Özbəkistanın Əlişir Nəvai adına Daşkənd Dövlət Özbək Dili və Ədəbiyyatı Universiteti arasında təhsil və elmi əməkdaşlığın inkişafını nəzərdə tutan anlaşma memorandumu imzalanıb.Sənəd iki ali təhsil müəssisəsi arasında akademik əlaqələrin genişləndirilməsini, birgə layihələrin həyata keçirilməsini və elmi fəaliyyətin inkişaf etdirilməsini əhatə edir. Memoranduma əsasən, universitetlər arasında konfranslar, seminarlar, sərgilər, simpoziumlar, qısamüddətli kurslar və müxtəlif təlimlərin təşkili, eləcə də ortaq elmi-tədqiqatların aparılması planlaşdırılır.Razılaşmada həmçinin elmi jurnallarda birgə nəşrlərin hazırlanması, ortaq akademik proqramların, tədris planlarının və sillabusların yaradılması, müəllim, tələbə, magistrant, doktorant və tədqiqatçı mübadiləsinin təşkili kimi istiqamətlər də yer alıb.Memorandum BDU-nun rektoru Elçin Babayev və Əlişir Nəvai adına Daşkənd Dövlət Özbək Dili və Ədəbiyyatı Universitetinin rektoru Şuhrat Sirojiddinov tərəfindən imzalanıb.Qeyd olunub ki, Özbəkistanın bu universiteti “QS Dünya Universitetləri Fənlər üzrə Reytinqi”nin 2026-cı il göstəricilərinə əsasən 251–300-cü yerlər aralığında qərarlaşıb.
