Müasir texnologiyaların tətbiqi neft infrastrukturunda monitorinq imkanlarını genişləndirərək risklərin daha tez aşkarlanmasına şərait yaradır.
Dübəndi çimərliyində baş verən hadisələrə bənzər ekoloji risklərin qarşısının alınması üçün davamlı monitorinq sistemlərinin və müasir nəzarət texnologiyalarının tətbiqi mühüm əhəmiyyət daşıyır.Ekspert bildirib ki, ekoloji təhlükələrin minimuma endirilməsi üçün operativ reaksiya vacibdir və bu istiqamətdə SOCAR tərəfindən müvafiq tədbirlər həyata keçirilir. Onun sözlərinə görə, hazırda monitorinq sistemləri fəaliyyət göstərsə də, rəqəmsallaşmanın sürətlə inkişaf etdiyi bir dövrdə süni intellekt və pilotsuz uçuş aparatlarından istifadənin genişləndirilməsi daha effektiv nəticələr verə bilər.Qeyd olunub ki, süni intellekt əsaslı həllər və dron texnologiyaları potensial təhlükələri daha erkən aşkar etməyə, hadisələrə daha sürətli müdaxilə göstərməyə və mümkün zərərin miqyasını azaltmağa imkan yaradır.Ekspert vurğulayıb ki, müasir müşahidə vasitələrinin tətbiqi neft infrastrukturunun təhlükəsizliyinin artırılması, ətraf mühitin qorunması və risklərin idarə olunması baxımından böyük əhəmiyyət daşıyır.O bildirib ki, bu tip hadisələr dünyanın müxtəlif ölkələrində, o cümlədən inkişaf etmiş dövlətlərdə də baş verir. Belə vəziyyətlərdə əsas məqsəd operativ reaksiya göstərmək, nəticələri nəzarət altına almaq və ekoloji təsirləri minimuma endirməkdir.Ekspert E.Qəribli qeyd edib ki, ciddi iqtisadi itkilərin gözlənilmədiyi halda, müəyyən ekoloji təsirlər yarana bilər. Lakin müasir texnologiyaların tətbiqi ilə bu zərərləri azaltmaq və hadisələrin qarşısını daha effektiv şəkildə almaq mümkündür.
