75,8 kilometrlik avtomobil yolunda 17 tunel, 7 viaduk və 14 körpünün tikintisi aparılır
Elpress.az xəbər verir ki, Kəlbəcər–Laçın avtomobil yolunun tikintisi üzrə nəzərdə tutulan işlərin 50 faizindən çoxu artıq yerinə yetirilib.Azərbaycan Avtomobil Yolları Dövlət Agentliyinin məlumatına görə, mürəkkəb dağlıq ərazidən keçən yeni yolun uzunluğu 75,8 kilometr olacaq. I–II texniki dərəcəli yolun 2–4 hərəkət zolağından ibarət olması nəzərdə tutulur.Layihə çərçivəsində 17 tunel, 7 viaduk, 14 körpü və 212 suötürücü keçid inşa edilir. Ümumi uzunluğu 13 kilometrdən çox olan tunellərin hamısında qazma işləri başa çatdırılıb, onlardan 12-də betonlama işləri də yekunlaşıb.Hazırda tikinti ərazisində 2 085-dən çox işçi və 509 texnika fəaliyyət göstərir.Yeni avtomobil yolunun istifadəyə verilməsi Kəlbəcərlə Laçın arasındakı məsafəni 31,98 kilometr qısaldacaq. Yolun həmçinin bölgədə yeni nəqliyyat əlaqələrinin və dəhlizinin formalaşmasına töhfə verməsi gözlənilir.
