“Deutsche Bank”ın “Dünya Qiymətləri Xəritəsi 2026” hesabatı: “iPhone 17 Pro” ən baha Türkiyədə, ən ucuz Yaponiyadadır
Elpress.az xəbər verir ki, “Deutsche Bank Research”in hazırladığı “Dünya Qiymətləri Xəritəsi 2026” hesabatına əsasən, “Apple”ın yeni “iPhone 17 Pro” (256 GB) modeli üzrə qiymət fərqləri ölkələr arasında rekord həddə çatıb. Araşdırmanın əhatə etdiyi 41 bazar arasında smartfonun ən yüksək satış qiyməti Türkiyədə (2 592 dollar), ən aşağı qiyməti isə Yaponiyada qeydə alınıb. Türkiyədə qiymət ABŞ-la müqayisədə 119% (2,19 dəfə) daha bahadır.Avropada ən aşağı qiymət vergi yükünün az olması (ƏDV 8,1%) səbəbindən İsveçrədə, ən yüksək qiymətlərdən biri isə yüksək ƏDV (27%) səbəbindən Macarıstandadır (1 826 dollar). Siyahıda Azərbaycan 1 930 dollar göstərici ilə ən baha satılan ölkələr arasında ilk sıralarda yer alır.
