Aysel Əlibəyli
07 Avqust 2026 · 09:24
1098 baxış
“Unibank”ın Müşahidə Şurasının sədri Eldar Qəribov Fransadakı 34 milyon manatlıq mülkünə bir ildən çoxdur müştəri tapa bilmir
Elpress.az xəbər verir ki, “Unibank”ın Müşahidə Şurasının sədri Eldar Qəribov Fransanın Nitsa şəhəri yaxınlığındakı Villefranche-sur-Mer ərazisində yerləşən villasını satışa çıxarıb. Təxminən 34 milyon manata təklif olunan 320 kvadratmetrlik mülk bir ildən artıqdır ki, satılmır. Satış üçün Avropa, ərəb və rus platformalarında elanlar yerləşdirilib. Mülk Monako knyazlığından 10 dəqiqəlik məsafədə yerləşir. Qeyd edək ki, bankirin oğlu İlkin Qəribli də qumar və kazino mühitində tanınan şəxslərdəndir. E.Qəribovun əsas gəlir mənbəyi olan “Unibank”dakı səhmlərinin payı son illərdə 94,08 faizə çatıb.
