Ekspert dənizdə boru xətlərinə nəzarətin ekoloji risklərin azaldılmasında mühüm rol oynadığını bildirib.
Dənizdə neft sızmalarının vaxtında aşkarlanması və aradan qaldırılması ekoloji təhlükələrin minimuma endirilməsi baxımından mühüm əhəmiyyət daşıyır.Ekspert Xalid Kərimli bildirib ki, SOCAR tərəfindən həyata keçirilən davamlı monitorinq və operativ müdaxilə tədbirləri həm ətraf mühitin qorunmasına, həm də mümkün iqtisadi itkilərin qarşısının alınmasına xidmət edir.Onun sözlərinə görə, belə hallarda sürətli reaksiya dənizin biomüxtəlifliyinin və ekosisteminin qorunmasına, sahil ərazilərində ekoloji vəziyyətin pisləşməsinin qarşısının alınmasına imkan yaradır. Eyni zamanda, vaxtında görülən tədbirlər təmizləmə işlərinin həcmini və maliyyə xərclərini azaldır.X.Kərimli qeyd edib ki, dünyada bu kimi hadisələr baş verə bilər, lakin əsas məsələ onların qarşısının alınması və nəticələrinin operativ aradan qaldırılmasıdır. Bu məqsədlə texniki təhlükəsizlik tədbirlərinə və boru xətlərinin mütəmadi monitorinqinə xüsusi diqqət ayrılmalıdır.
