Kriptovalyuta bazarında əsas rəqəmsal aktivlərin bir hissəsi ucuzlaşıb
Elpress.az xəbər verir ki, Kriptovalyuta bazarında son sutka ərzində əsas rəqəmsal aktivlərin qiymətlərində əsasən azalma qeydə alınıb.“Bitcoin”in dəyəri 24 saat ərzində 1,19 faiz azalaraq 79 662,81 dollara düşüb. “Ethereum” 1,93 faiz ucuzlaşaraq 2 453,75 dollar, “XRP” isə 2,74 faiz geriləyərək 1,40 dollar olub.Bəzi kriptovalyutalarda isə əksinə, artım müşahidə edilib. “BNB”nin qiyməti 0,50 faiz yüksələrək 724,45 dollara, “TRON” 1,14 faiz artaraq 0,3320 dollara çatıb. Ən yüksək artımlardan biri “Zcash”da qeydə alınıb. Onun qiyməti 6,74 faiz yüksələrək 1 015,60 dollar təşkil edib.Digər əsas kriptovalyutalardan “Solana” 1,37 faiz, “Hyperliquid” 2,04 faiz, “Dogecoin” isə 1,96 faiz ucuzlaşıb. Onların qiymətləri müvafiq olaraq 102,05 dollar, 84,05 dollar və 0,08498 dollar olub.Stabil kriptovalyutaların qiymətində isə nəzərəçarpacaq dəyişiklik baş verməyib. “Tether” 1 dollar, “USDC” isə 0,9998 dollar səviyyəsində qərarlaşıb.
