Kəskin hava şəraiti səbəbindən istehsalat sahələrində təhlükəli işlər məhdudlaşdırılıb
Elpress.az xəbər verir ki, Ölkə ərazisində hava şəraitinin kəskin dəyişməsi və güclü küləyin müşahidə olunması SOCAR-ın “Azneft” İstehsalat Birliyində əlavə təhlükəsizlik tədbirlərinin görülməsinə səbəb olub.Müəssisənin istehsalat sahələrində əməkdaşların təhlükəsizliyinin təmin olunması məqsədilə təhlükə yarada biləcək işlərin icrası məhdudlaşdırılıb. İşçilərin sağlamlığının qorunması üçün mövcud əmək və təhlükəsizlik normalarına uyğun tədbirlər həyata keçirilir.Bütün istehsalat sahələrində əməkdaşlara hava şəraiti ilə bağlı təhlükəsizlik qaydaları izah edilir. Mövcud vəziyyətin davamlı nəzarətdə saxlanıldığı və zəruri tədbirlərin operativ şəkildə görüldüyü bildirilib.
