Azərbaycan və Yunanıstanın pərakəndə sektorunda fəaliyyət göstərən qurumları arasında əməkdaşlığın genişləndirilməsi istiqamətində yeni addım atılıb.
Elpress.az xəbər verir ki, Yunanıstan-Azərbaycan Biznes Forumu çərçivəsində “Ticarət Şəbəkələrinin İnkişafı” İctimai Birliyi ilə Yunanıstan Pərakəndəçilər Assosiasiyası (SELPE) arasında Anlaşma Memorandumu imzalanıb.
Sənəd iki ölkənin pərakəndə ticarət sahəsində fəaliyyət göstərən qurumları arasında əlaqələrin inkişaf etdirilməsi üçün əməkdaşlıq çərçivəsi formalaşdırır.
Razılaşma çərçivəsində tərəflərin təcrübə mübadiləsinin genişləndirilməsi, pərakəndə sektorunu maraqlandıran məsələlər üzrə fikir mübadiləsinin aparılması və təşkilatlara üzv şirkətlər arasında yeni işgüzar əlaqələrin qurulmasına dəstək göstərilməsi nəzərdə tutulur.
