Azərbaycan Turizm Bürosu Qazaxıstanın Almatı şəhərində keçirilən Kazakhstan International Tourism Fair 2026 sərgisində ölkəmizi təmsil edir.
Sərgidə, Azərbaycan Hava Yolları (AZAL) da daxil olmaqla ümumilikdə 10 yerli turizm qurumu iştirak edir və Azərbaycan müxtəlif mövsümlərdə səfər üçün cəlbedici istiqamət kimi təqdim olunur.
Ziyarətçilərə ölkənin mədəni turizm imkanları, aktiv və macəra turizmi, sağlamlıq turizmi, eləcə də işgüzar səfərlər (MICE) sahəsində potensialı barədə geniş məlumat verilir.
Səfər proqramı çərçivəsində Qazaxıstandan olan 40 turizm nümayəndəsi üçün xüsusi təqdimat da təşkil edilib.
Tədbir, 20-dən artıq turizm şirkəti və turoperatorun qatıldığı, əməkdaşlıq perspektivlərinin müzakirə olunduğu işgüzar şam yeməyi ilə başa çatıb.
Statistikaya görə, 2026-cı ilin ilk üç ayında Qazaxıstandan Azərbaycana gələn turistlərin sayı ötən ilin eyni dövrü ilə müqayisədə 8,3 faiz artaraq 19 762 nəfərə çatıb.
