Elpress.az xəbər verir ki, Kriştianu Ronaldo “Əl-Taavun” azarkeşlərinin “Əl-Hilal”ın futbolçusu Ruben Neveşə qarşı təxribat xarakterli davranışına sərt reaksiya verib.
Portuqaliyalı ulduz Səudiyyə Pro Liqası rəhbərliyini həmin azarkeşlərlə bağlı tədbir görməyə çağırıb. Ronaldo Neveşi psixoloji təzyiq altında qoyan şəxslərin stadionlara girişinə ömürlük qadağa tətbiq edilməsini tələb edib.Hadisə “Əl-Hilal”ın “Əl-Taavun” üzərində 6:0 hesablı qələbəsi ilə başa çatan qarşılaşmada yaşanıb. Matç zamanı tribunalardan Neveşi qıcıqlandırmaq məqsədilə onun mərhum yaxın dostu və keçmiş komanda yoldaşı Dioqo Jotanın adı səsləndirilib.Neveş də azarkeşlərin bu davranışına sərt münasibət göstərərək onların hərəkətlərini mənəviyyatsızlıq kimi qiymətləndirib.Xatırladaq ki, Dioqo Jota ötən il yol qəzası nəticəsində faciəvi şəkildə həyatını itirib. Ronaldo isə milli komandadan komanda yoldaşı olan Neveşə dəstək verərək bu cür davranışların cəzasız qalmamalı olduğunu vurğulayıb.
