Raul Asensio 14 400 avro cərimələnib və 8 ay sürücülük hüququndan məhrum edilib
Elpress.az xəbər verir ki, Madrid “Real”ının 23 yaşlı müdafiəçisi Raul Asensio sərxoş vəziyyətdə avtomobil idarə etdiyi üçün məhkəmə tərəfindən cəzalandırılıb.Hadisə avqustun 16-da İspaniyanın Kanar adalarında baş verib. Futbolçu “Porsche” markalı avtomobillə Qran-Kanariyanın cənubundakı kurort ərazisinə gedərkən polis tərəfindən sənədlərinin yoxlanılması məqsədilə saxlanılıb.Yoxlama zamanı Asensionun nəfəsində spirtin miqdarı 0,90 mq/l müəyyən edilib. İspaniyada icazə verilən hədd isə 0,25 mq/l təşkil edir.Hadisədən bir neçə gün sonra futbolçu məhkəməyə çıxarılıb. Məhkəmə Raul Asensionu yol hərəkəti təhlükəsizliyinə qarşı cinayət törətməkdə təqsirli bilib.Nəticədə futbolçu 14 400 avro məbləğində cərimələnib və 8 ay müddətinə sürücülük hüququndan məhrum edilib.
