Avstriyada keçirilən təlim-məşq toplanışı çərçivəsində Azərbaycan milli komandasının heyətində dəyişikliklər baş verib.
AFFA-nın mətbuat xidməti tərəfindən verilən məlumata əsasən, Avstriyada təlim-məşq toplanışında olan Azərbaycan milli komandasının heyətində dəyişikliklər edilib. Bildirilir ki, Anton Krivotsyuk və Abdulla Xaybulayev yığmanın düşərgəsindən çıxarılıblar.Qeyd edək ki, millimiz Avstriya toplanışı çərçivəsində keçirdiyi ilk yoldaşlıq görüşündə Maltaya 0:2 hesabı ilə məğlub olub. Oyunun ikinci qolundan sonra meydanda futbolçular arasında gərgin anlar yaşanıb və mübahisə qeydə alınıb.Ayxan Abbasovun rəhbərlik etdiyi kollektiv hazırlıq prosesini davam etdirir və iyunun 9-da San Marino yığması ilə növbəti yoldaşlıq oyununda üz-üzə gələcək.
