Azərbaycan millisi Avropa Kubokunda 2 qızıl və 5 bürünc medal qazanıb
Elpress.az xəbər verir ki, Şimali Makedoniyanın paytaxtı Skopyedə gənc cüdoçular arasında keçirilən Avropa Kuboku başa çatıb.Azərbaycan yığması turnirdə uğurlu nəticə göstərərək 2 qızıl və 5 bürünc medal qazanıb. Yarışın son günündə milli komandanın hesabına iki qızıl və dörd bürünc medal əlavə olunub.Xədicə Qədəşova (-57 kq) və Davud Namazlı (-100 kq) bütün görüşlərdə qalib gələrək turnirin qızıl medallarına sahib olublar. Nərgiz Əhmədova və Gülgəz Musayeva (-48 kq), Aytən Verdiyeva (-57 kq) və Canpolad Əliyev (-100 kq) isə yarışı üçüncü pillədə tamamlayıblar.Turnirin ilk günündə Nilgün Rzayeva (-63 kq) da bürünc medal qazanıb.Nəticədə 33 ölkənin iştirak etdiyi yarışda Azərbaycan komandası 7 medalla komanda hesabında üçüncü yeri tutub.
