Siqaretdən uzaq durmaq, təzyiq və qan şəkərinə nəzarət demensiya riskini azalda bilər
Elpress.az xəbər verir ki, Orta yaşlarda bəzi sağlamlıq göstəricilərinə nəzarət etmək demensiyanın başlanmasını əhəmiyyətli dərəcədə gecikdirə bilər.Nyu-York Universitetinin alimlərinin 12 mindən çox insanın iştirakı ilə 26 il ərzində apardığı araşdırmanın nəticələrinə görə, siqaretdən imtina etmək, arterial təzyiqi və qan şəkərini normal səviyyədə saxlamaq demensiyanın yaranmasını orta hesabla 13 il ləngidə bilər.Tədqiqatçılar xüsusilə yüksək qan təzyiqinin beyin damarlarına mənfi təsir göstərərək koqnitiv sağlamlıq üçün risk yaratdığını qeyd ediblər.Mütəxəssislər bu amillərə nəzarətə yaddaş problemləri ortaya çıxdıqdan sonra deyil, orta yaşlardan etibarən başlamağın daha faydalı olduğunu bildirirlər.
