Aarauda keçirilən elektron musiqi festivalında atəş səsləri eşidilib, polis genişmiqyaslı əməliyyata başlayıb
Elpress.az xəbər verir ki, İsveçrənin Aarau şəhərində elektron musiqi festivalı zamanı silahlı insident baş verib.Hadisə Arqau kantonunun Şaxen rayonunda təşkil olunan “Aarauer Rave” texnofestivalı zamanı qeydə alınıb. Təxminən 3 500 şəxsin iştirak etdiyi tədbirdə gecə saat 02:30 radələrində atəş səsləri eşidilib.Kanton polisinin məlumatına görə, insident nəticəsində bir neçə nəfər xəsarət alıb. Ölənlərin olub-olmaması barədə isə hələlik məlumat verilməyib.Hadisədən sonra əraziyə polis və digər fövqəladə xidmətlərin əməkdaşları cəlb olunub. Əməliyyatda yanğınsöndürənlər, təcili yardım qüvvələri və orduya məxsus helikopter də iştirak edib. Polis sakinlərə və festival iştirakçılarına hadisə yerindən uzaq durmaq barədə xəbərdarlıq edib.Hazırda atəşin hansı səbəbdən açıldığı, eləcə də hadisəni törədən şəxs və ya şəxslərin kimliyi araşdırılır.
