Aysel Əlibəyli
10 Avqust 2026 · 11:59
1008 baxış
Gəncənin Atatürk prospektində sakinlərin narahatlığına DİN-dən cavab: Ötən həftə 46 nəfər saxlanılaraq rayonlarına göndərilib
Elpress.az xəbər verir ki, Gəncə şəhərinin Atatürk prospektində bəzi şəxslərin vətəndaşlara yaxınlaşaraq çanta və pulqabılarını almağa cəhd etmələri ilə bağlı sosial şəbəkələrdə görüntülər yayılıb. Məsələ ilə bağlı DİN Mətbuat Xidmətinin regional qrupundan bildirilib ki, ötən həftə ərzində polis əməkdaşlarının keçirdikləri profilaktik tədbirlər nəticəsində şəhər ərazisində avaralıq və dilənçiliklə məşğul olan 46 nəfər saxlanılıb. Həmin şəxslər barəsində qanunauyğun tədbirlər görülüb və onların qeydiyyatda olduqları rayonlara göndərilməsi təmin edilib.
