Çantada “powerbank” partladı: Ekspert isti havalarda elektron cihazların saxlanması qaydalarını açıqladı
Elpress.az xəbər verir ki, Limanda olan zaman çantasındakı “powerbank”ın partlaması nəticəsində stilistin dodağı, burnu və saçları yanaraq xəsarət alıb. Baş verən bədbəxt hadisə ilə bağlı təhlükəsizlik üzrə ekspert Elmar Nurəliyev isti hava şəraitində elektron cihazlardan istifadə və onların saxlanması qaydaları barədə tövsiyələrini bölüşüb.Ekspertin sözlərinə görə, alışma ehtimalını nəzərə alaraq qapalı, isti və havalandırması olmayan məkanlarda, eləcə də ev şəraitində “powerbank” və batareya ilə çalışan cihazların metal qablarda saxlanılması daha məqsədəuyğundur. O, həmçinin bu tip qurğuların parça, kətan, karton və taxta kimi yanar materialların üzərində günlərlə saxlanılmasının böyük risk yaratdığını xüsusi vurğulayıb.
