Müdafiə Nazirliyinin hərbi qulluqçularının əməkhaqlarında vergi və digər icbari ödənişlər çıxıldıqdan sonra orta hesabla 22,8 faiz artım nəzərdə tutulur.
Elpress.az xəbər verir ki, təklif olunan dəyişikliklərə əsasən, hərbi qulluqçuların pensiyasının hesablanması qaydası da yenilənəcək. Pensiya məbləği ilə təminat xərcliyi arasındakı əlaqə aradan qaldırılacaq, hesablamada fərdi şəxsi hesabda qeydə alınan pensiya kapitalı əsas götürüləcək.
Dəyişikliklər çərçivəsində baza maaşı anlayışı vəzifə maaşı ilə əvəzlənəcək, rütbə maaşının həcmi isə 70 faizə çatdırılacaq. Bu yeniliklərin hərbçilərin sosial rifahına müsbət təsir göstərəcəyi və xidmətə marağı artıracağı gözlənilir.
Müzakirələrdən sonra qanun layihəsi səsverməyə çıxarılaraq üçüncü oxunuşda qəbul edilib.
