Dövlətə xəyanət və qanunsuz silah saxlamaqda ittiham olunan Siyafət Fərzəliyevlə bağlı cinayət işi üzrə məhkəmə prosesi yekunlaşıb.
Naxcıvanda Dövlət Təhlükəsizliyi Xidməti (DTX) tərəfindən aparılan istintaq çərçivəsində barəsində cinayət işi açılmış Siyafət Fərzəliyev haqqında hökm Naxçıvan Muxtar Respublikası Ağır Cinayətlər Məhkəməsi tərəfindən elan olunub. Elpress.az apa-ya istinadən verdiyi məlumata görə Hakim Faiq Heydərovun sədrliyi ilə keçirilən məhkəmə baxışında Siyafət Fərzəliyev təqsirli bilinərək 15 il 6 ay müddətinə azadlıqdan məhrum edilib.İttiham aktına əsasən, o, xarici xüsusi xidmət orqanının nümayəndələri tərəfindən maddi maraq qarşılığında məxfi əməkdaşlığa cəlb olunub və verilən tapşırıqlar əsasında Azərbaycanın suverenliyi, ərazi bütövlüyü, dövlət təhlükəsizliyi və müdafiə qabiliyyətinə zərər vurmaq məqsədilə casusluq fəaliyyəti həyata keçirib. Bundan əlavə, onun qanunsuz olaraq odlu silahın komplekt hissələrini əldə etdiyi, daşıdığı və saxladığı bildirilib.Siyafət Fərzəliyev DTX-nin keçirdiyi əməliyyat-axtarış tədbirləri nəticəsində saxlanılaraq istintaqa təqdim olunub.Ona Azərbaycan Respublikası Cinayət Məcəlləsinin 228.1-ci (qanunsuz olaraq odlu silahın komplekt hissələrinin əldə edilməsi, saxlanılması və daşınması) və 274-cü (dövlətə xəyanət) maddələri ilə ittiham irəli sürülüb.
