Bakının Sabunçu rayonunda fərdi yaşayış evində yanğın baş verib.
Elpress.az xəbər verir ki, hadisə Sabunçu qəsəbəsi, İ.Əfəndiyev küçəsində qeydə alınıb.
Fövqəladə Hallar Nazirliyinin “112” qaynar xəttinə daxil olan məlumat əsasında əraziyə Dövlət Yanğından Mühafizə Xidmətinin yanğınsöndürənləri cəlb olunub.Yanğınsöndürənlərin operativ müdaxiləsi nəticəsində alovun evin digər hissələrinə keçməsinin qarşısı alınıb və yanğın qısa müddətdə söndürülüb.
Hadisə zamanı ümumi sahəsi 200 kvadratmetr olan, 10 otaqlı mansard tipli birmərtəbəli fərdi yaşayış evinin mansardında bir otağın 20 kvadratmetr sahədə yanar konstruksiyaları, birinci mərtəbədə isə digər otağın 16 kvadratmetr sahədə tavanı yanıb.Yanğın nəticəsində evin böyük hissəsi alovdan qorunub. Hadisə zamanı xəsarət alan olmayıb.
