Astara gömrüyündə bibər yeşiklərinin altında gizlədilən külli miqdarda narkotik aşkarlanıb
Elpress.az xəbər verir ki, Astara Gömrük İdarəsinin əməkdaşları İran–Rusiya marşrutu üzrə tranzit daşınan yük maşınında narkotik vasitə aşkarlayıblar.Gömrük nəzarəti zamanı “bibər” yükü daşıyan nəqliyyat vasitəsi rentgen qurğusu və kinoloji xidmət itinin köməyi ilə yoxlanılıb. Yoxlama nəticəsində bibərlə örtülərək yeşiklərin alt hissəsində gizlədilən 55 bağlama aşkar edilib.Bağlamalardan ümumi çəkisi 25 kiloqram 75 qram olan qurudulmuş marixuana götürülüb. Narkotik vasitə qanunsuz dövriyyədən çıxarılıb.Faktla bağlı araşdırma davam etdirilir.


