Ukrayna qüvvələri Rusiyanın hava hücumundan müdafiə sistemi və hərbi obyektlərini hədəfə alıb
Elpress.az xəbər verir ki, Ukrayna Müdafiə Qüvvələri Rusiyanın hərbi mövqelərinə zərbələr endirdiyini açıqlayıb.Ukrayna Baş Qərargahının məlumatına görə, avqustun 11-də Luqansk vilayətinin Topol yaşayış məntəqəsi yaxınlığında Rusiyaya məxsus “Buk-M3” zenit-raket kompleksi vurulub. Bundan başqa, Rusiya ərazisində, Belqorod vilayətinin Terebreno kəndi yaxınlığında komanda-müşahidə məntəqəsinin hədəfə alındığı bildirilib. Luqansk vilayətinin Rovənki şəhəri ərazisində isə Rusiya qüvvələrinə məxsus maddi-texniki təminat anbarlarının vurulduğu qeyd olunub.
Məlumat Ukrayna tərəfinin açıqlamasına əsaslanır; zərbələrin nəticələri barədə Rusiyanın təsdiqlənmiş açıqlaması təqdim edilməyib.
