Aysel Əlibəyli
29 İyun 2026 · 17:58
1046 baxış
Elpress.az APA-ya istinadən xəbər verir ki, Hacıqabul şəhərində fərdi yaşayış evində yanğın hadisəsi baş verib.
Yanğın şəhərin Ə.Vahid küçəsində, 76 nömrəli ünvanda yerləşən ikimərtəbəli fərdi yaşayış evində qeydə alınıb. İlkin məlumata görə, ümumi sahəsi 300 kvadratmetr olan ev alovun təsirinə məruz qalıb.
Hadisə yerinə dərhal yanğınsöndürmə qüvvələri cəlb olunub və alovun ətraf ərazilərə yayılmasının qarşısı alınıb.
Yanğının başvermə səbəbi və dəymiş ziyanın həcmi hələlik məlum deyil. Faktla bağlı araşdırma aparılır.
