Elpress.az xəbər verir ki, son bir həftə ərzində Dövlət Ekoloji Təhlükəsizlik Xidməti tərəfindən aparılan nəzarət tədbirləri zamanı Bakı, Sumqayıt, Gəncə şəhərləri və Salyan rayonunda yaşıllıqların qanunsuz məhv edilməsi ilə bağlı faktlar aşkarlanıb.
Araşdırmalar zamanı Bakının Nizami rayonunda Özbəkistan və Şirin Mirzəyev küçələrində, Nəsimi rayonunda Novruzov qardaşları küçəsi 75 ünvanında, Yasamal rayonunda Mətbuat prospektində, həmçinin Sumqayıtda Səməd Vurğun və C.Cabbarlı küçələrində ağacların qanunsuz kəsildiyi müəyyən olunub.Bundan başqa, Sumqayıtda Nizami küçəsi ilə Polad Həşimov küçəsinin kəsişməsində, Gəncə şəhərinin 3-cü mikrorayon ərazisində və Salyan rayonunda da analoji hallar qeydə alınıb.Müəyyən edilən faktlar üzrə yaşıllıqlara ümumilikdə 199 620 manat məbləğində ziyan dəydiyi hesablanıb.
Faktlar üzrə dəymiş ziyanın məbləği cinayət tərkibi yaratdığından toplanmış materiallar hüquqi qiymət verilməsi üçün hüquq-mühafizə orqanlarına göndərilib.
