“Scania” ayırıcı səddə çırpılaraq qarşı zolağa keçib və “Ravon”un üzərinə aşıb
Elpress.az xəbər verir ki, Bakı–Quba avtomobil yolunda ölümlə nəticələnən ağır yol-nəqliyyat hadisəsi baş verib.Qəza yolun 13,5-ci kilometrliyində qeydə alınıb. İlkin məlumata görə, “Scania” markalı yük avtomobili ayırıcı sədlə toqquşduqdan sonra qarşı hərəkət zolağına çıxaraq “Ravon” markalı minik avtomobilinin üzərinə aşıb.Hadisə nəticəsində minik avtomobilində olan bir nəfər hadisə yerində həyatını itirib, digər şəxs isə müxtəlif dərəcəli xəsarətlər alıb.Hadisə yerinə yol polisinin əməkdaşları cəlb olunub və qəzanın səbəbləri araşdırılır.Fövqəladə Hallar Nazirliyinin xilasediciləri də hadisə yerində iş aparıb. Minik avtomobilində sıxılmış vəziyyətdə qalan şəxsin meyiti çıxarılaraq aidiyyəti üzrə təhvil verilib. Qəza nəticəsində ümumilikdə iki nəfərin xəsarət aldığı bildirilib.Həmçinin toqquşma nəticəsində yola və əraziyə dağılan yanacaq yanğınsöndürənlər tərəfindən yuyulub və təhlükəsizlik tədbirləri görülüb.
