2026-2027-ci tədris ilində bir sıra fənlər üzrə dərsliklər yenilənmiş məzmunla şagirdlərin istifadəsinə veriləcək.
Elpress.az xəbər verir ki, bu barədə Elm və Təhsil Nazirliyi məlumat yayıb.Yeni tədris ilində IV sinif üçün “Həyat bilgisi”, VII sinif üçün “Azərbaycan dili”, “Riyaziyyat”, “İngilis dili” və “Azərbaycan tarixi”, VIII sinif üçün “Coğrafiya”, IX sinif üçün isə “Biologiya”, “Fizika” və digər dərsliklər yenilənmiş məzmunda tədris olunacaq.Yenilənmiş dərsliklərin hazırlanmasında əsas məqsəd şagirdlərə yalnız nəzəri biliklərin verilməsi deyil, həm də onların əldə etdikləri bilikləri real həyat situasiyalarında tətbiq etməsi, problem həll etmə, tədqiqat aparma, tənqidi və yaradıcı düşünmə bacarıqlarının inkişaf etdirilməsidir.Yeni nəşrlərdə oxu, riyazi və elmi savadlılığın inkişafına yönəlmiş tapşırıqların sayı da artırılıb. Eyni zamanda maliyyə savadlılığı, ekoloji məsuliyyət, rəqəmsal bacarıqlar, media və informasiya savadlılığı, kibertəhlükəsizlik kimi aktual mövzular dərsliklərin məzmununa daha sistemli şəkildə daxil edilib.
