IV Şuşa Qlobal Media Forumunun iştirakçıları Şuşada yeni salınan Qarabağ küçəsinə səfər edərək burada həyata keçirilən layihələrlə tanış olublar.
Elpress.az xəbər verir ki, IV Şuşa Qlobal Media Forumu çərçivəsində Azərbaycana gələn xarici qonaqlar Şuşada yeni inşa edilən Qarabağ küçəsinə baş çəkiblər.Qonaqlara küçədə görülən tikinti və abadlıq işləri, eləcə də yaradılmış müasir infrastruktur haqqında ətraflı məlumat verilib.Xatırladılıb ki, Azərbaycan Prezidenti İlham Əliyev iyulun 11-də Şuşanın Qarabağ küçəsində dövlət-özəl tərəfdaşlığı çərçivəsində həyata keçirilən layihələrlə tanış olub.Bildirilib ki, sözügedən küçədə yerli investorlar tərəfindən dövlət-özəl tərəfdaşlığı əsasında müxtəlif təyinatlı 10 bina inşa edilib. Bu binalar arasında mehmanxana, apart-hotel, ofis və iaşə obyektləri yer alır.Qeyd olunub ki, tikinti işləri zamanı yüksək keyfiyyət standartları ilə yanaşı, binaların Şuşanın tarixi-memarlıq üslubuna uyğunluğuna da xüsusi diqqət yetirilib.
