Türkiyənin tanınmış aktyor cütlüyü Hazal Kaya və Ali Atay Niderlandda yeni şirkət yaradaraq həyatlarını iki ölkə arasında davam etdirməyə hazırlaşırlar.
Elpress.az xəbər verir ki, Türkiyənin məşhur aktyorları Hazal Kaya və Ali Atay Niderlandın Amsterdam şəhərində yeni şirkət təsis etdiklərini və burada yeni həyat qurmağa hazırlaşdıqlarını açıqlayıblar.Hazal Kaya cütlüyün Türkiyəni tamamilə tərk edəcəyi ilə bağlı yayılan iddialara da aydınlıq gətirib. Aktrisa bildirib ki, onların ölkə ilə əlaqələri davam edəcək və həm Türkiyədə, həm də Niderlandda fəaliyyət göstərəcəklər.O qeyd edib ki, Türkiyədən tamamilə ayrılmaq kimi planları yoxdur. Hazal Kayanın sözlərinə görə, həm ölkədaxili layihələrini, həm də xaricdəki işlərini paralel şəkildə davam etdirəcəklər.Qeyd edək ki, Hazal Kaya və Ali Atay 2019-cu ildə ailə qurublar. Cütlüyün iki övladı var.
