AYNA “Koroğlu” ilə Sea Breeze arasında 150E ekspres marşrutunu bərpa edir
Elpress.az xəbər verir ki , Yay mövsümündə çimərlik istiqamətində sərnişin sıxlığının artması nəzərə alınaraq paytaxtda yeni ekspres avtobus marşrutu fəaliyyətə başlayacaq.Azərbaycan Yerüstü Nəqliyyat Agentliyinin (AYNA) məlumatına görə, iyulun 18-dən 150E nömrəli ekspres marşrut yenidən istifadəyə veriləcək. Marşrut “Koroğlu” Nəqliyyat Mübadilə Mərkəzi ilə Sea Breeze istirahət mərkəzi arasında sərnişin daşımalarını həyata keçirəcək.Bildirilib ki, avtobuslar şənbə və bazar günləri metronun “Koroğlu” stansiyasının cənub çıxışından (“Piramida” tərəf) hərəkət edəcək. Marşrut üzrə Heydər Əliyev prospekti, Bakı Ekspo Mərkəzi, Mərdəkan prospekti, Qala yolu, Buzovna, Bilgəh Kardioloji Sanatoriyası, Bilgəh-Pirşağı yolu, Sea Breeze 1 və Sea Breeze 2 dayanacaqlarında sərnişinlərin minib-düşməsi təmin olunacaq.Böyüktutumlu avtobuslar hər gün 07:00-dan 22:00-dək 30 dəqiqəlik intervalla xidmət göstərəcək. Gedişhaqqı 0,90 manat təşkil edir və ödəniş yalnız nağdsız qaydada qəbul olunacaq.
