Hazırda paytaxt və ölkənin bir sıra bölgələrində davam edən yağışlı hava şəraiti yollarda hərəkəti çətinləşdirib.
Baş Dövlət Yol Polisi İdarəsi bildirib ki, yağıntılar səbəbindən yol örtüyü sürüşkən olub, görmə məsafəsi azalıb və bu da qəza riskini artırıb. Elpress.az qafqazinfo-a istinadən verdiyi xəbərə görə Qurum sürücülərə hava şəraitini nəzərə alaraq daha ehtiyatlı davranmağı tövsiyə edib. Xüsusilə sürət həddinə riayət olunması, avtomobillər arasında təhlükəsiz məsafənin saxlanılması, texniki sazlığın yoxlanılması və ani manevrlərdən uzaq durulması vacib hesab edilir.Yol Polisi əlverişsiz hava şəraitində diqqətli və məsuliyyətli davranışın hərəkət iştirakçılarının təhlükəsizliyi baxımından mühüm əhəmiyyət daşıdığını vurğulayaraq, sürücüləri yol hərəkəti qaydalarına ciddi əməl etməyə çağırıb.
