Mütəxəssis xəbərdarlıq etdi: bu şəxslər Günəş şüalarından uzaq durmalıdır
Elpress.az xəbər verir ki, Günəş işığının insan orqanizmi üçün bir sıra faydaları olsa da, bəzi şəxslər üçün onun təsiri arzuolunmaz nəticələrə səbəb ola bilər.Səhiyyə Nazirliyinin Elmi-Tədqiqat Tibbi Bərpa İnstitutunun fizioterapevti Sevinc İbadovanın sözlərinə görə, Günəş şüaları dəridə D vitamininin yaranmasını stimullaşdırır, sümük sağlamlığını və immun sistemini dəstəkləyir. Günəş işığının serotonin səviyyəsinə təsiri isə əhval-ruhiyyənin yaxşılaşmasına kömək edə bilər.Bununla belə, dəri xərçəngi və ya iltihabi dəri xəstəlikləri olan şəxslərə Günəş şüalarından qorunmaq tövsiyə edilir. Açıq çəhrayı dəriyə sahib insanlar da ultrabənövşəyi şüalara daha həssas olduqları üçün günəş altında keçirdikləri vaxta diqqət etməlidirlər.Mütəxəssis həmçinin bəzi insanlarda Günəş şüalarına qarşı allergik reaksiyaların yarana biləcəyini bildirib. Belə hallarda dəridə qızartı və qaşınma kimi əlamətlər müşahidə oluna bilər.
