Bakı Mühəndislik Universitetinin tələbələrindən ibarət komanda Müdafiə Sənayesi Nazirliyinin elmi proqramında ən yüksək nəticəni əldə edib.
Elpress.az xəbər verir ki , Bakı Mühəndislik Universitetinin (BMU) “Qırmızı Cəsurlar” komandası Müdafiə Sənayesi Nazirliyinin “Milli Tədqiqatların Dəstəklənməsi Proqramı” çərçivəsində həyata keçirilən “Milli Energetik Materialların İnkişafı Proqramı” üzrə I yerə layiq görülüb.Komandaya mükafatı müdafiə sənayesi naziri Vüqar Mustafayev təqdim edib. Qaliblər proqramın 2025–2026-cı tədris ili üzrə yekunlarına həsr olunan hesabat və məzun günü tədbirində elan olunublar.Tədbir zamanı universitet-sənaye əməkdaşlığının inkişafına verdiyi töhfələrə görə BMU rəhbərliyinə xüsusi təşəkkürnamə təqdim edilib. Proqramı uğurla başa vuran universitet tələbələri isə sertifikatlarla təltif olunublar.Qeyd olunub ki, əldə olunan uğur BMU-da elmi-tədqiqat fəaliyyətinin inkişafı, innovativ layihələrin dəstəklənməsi və universitet-sənaye əməkdaşlığının uğurlu nəticələrinin göstəricisidir. Eyni zamanda, bu nailiyyət ölkədə müdafiə sənayesi və yüksək texnologiyalar sahəsində milli elmi potensialın gücləndirilməsinə universitetin verdiyi töhfəni nümayiş etdirir.
