Bakının Mərdəkan qəsəbəsində aparılan təmir işləri ilə əlaqədar 9 müntəzəm avtobus marşrutunun hərəkət sxemində müvəqqəti dəyişiklik edilib.
Elpress.az xəbər verir ki, Sergey Yesenin küçəsində aparılan təmir işləri səbəbindən nəqliyyat vasitələrinin həmin ərazidə hərəkətinə məhdudiyyət tətbiq olunub.
Məhdudiyyətlə əlaqədar 112, 140, 140E, 141, 144, 146, 182, 340 və 446 nömrəli avtobus marşrutlarının hərəkəti alternativ küçələr üzrə təşkil edilib.Hazırda qeyd olunan marşrutlar Mərdəkan-Qala şosesi, 28 May, Dəmiryolçular, Xəzri və Baba Əliyev küçələri ilə hərəkət edirlər.Təmir işləri başa çatdıqdan və yolun hərəkət üçün tam açılmasından sonra marşrutların əvvəlki hərəkət sxeminə qaytarılması gözlənilir.
Sərnişinlərə səfərlərini planlaşdırarkən sözügedən dəyişiklikləri nəzərə almaları tövsiyə olunur.
