Təmir işləri səbəbindən bəzi avtobuslar müvəqqəti olaraq alternativ yollardan istifadə edəcək
Elpress.az xəbər verir ki, Bakının Sabunçu rayonunda və Abşeronun Mehdiabad qəsəbəsində aparılan təmir-tikinti işləri nəqliyyatın hərəkətinə müvəqqəti dəyişikliklərə səbəb olub.AYNA-nın məlumatına görə, Bakıxanov qəsəbəsində Yavər Əliyev küçəsində tətbiq olunan məhdudiyyət səbəbindən 20 müntəzəm avtobus marşrutunun hərəkəti alternativ küçələrə yönləndirilib. Dəyişiklik 22, 24, 35, 40, 49, 55, 57, 60, 76, 78, 105, 106, 113, 141, 185, 186, 191, 208, 209 və 213 nömrəli marşrutlara aiddir.Bildirilir ki, həmin avtobusların əvvəlki hərəkət sxeminə bir gün ərzində qayıtması nəzərdə tutulur.Mehdiabad qəsəbəsində Cəlil Məmmədquluzadə küçəsində, yəni Mehdiabad-Pirşağı yolunda tətbiq edilən məhdudiyyətlə əlaqədar 179 nömrəli marşrutun hərəkət istiqamətində də dəyişiklik edilib.Bu marşrut üzrə avtobuslar bir həftə müddətində Təbriz, Məhəmmədhüseyn Şəhriyar, 28 May, Fazil İsmayılov və Məhəmməd Əmin Rəsulzadə küçələrindən istifadə edəcək.
