Milli Hidrometeorologiya Xidməti xəbərdarlıq edir: Avqustun 5-də ölkə ərazisində hava necə olacaq?
Elpress.az xəbər verir ki, Milli Hidrometeorologiya Xidmətinin məlumatına görə, avqustun 5-də Bakıda və Abşeron yarımadasında havanın yağmursuz keçəcəyi gözlənilir. Gün ərzində əsən şimal-şərq küləyi axşama doğru mülayim şimal-qərb küləyi ilə əvəz olunacaq. Havanın temperaturu gecə 22-25° isti, gündüz isə 31-36° isti təşkil edəcək. Atmosfer təzyiqi 759 mm civə sütunu, nisbi rütubət isə gündüz saatlarında 40-50% arasında dəyişəcək.Azərbaycanın rayonlarında da havanın əsasən yağmursuz keçəcəyi proqnozlaşdırılır. Lakin gündüz saatlarında bəzi dağlıq ərazilərdə qısamüddətli az yağış yağacağı və şimşək çaxacağı ehtimalı var. Regionlarda mülayim şərq küləyi əsəcək, havanın maksimal temperaturu gündüz 34-39° isti, dağlıq zonalarda isə 25-30° isti olacaq.
