Dövlət Statistika Komitəsindən narahatedici rəqəmlər: 2026-cı ilin ilk 5 ayında 8 mindən çox boşanma qeydə alınıb
Elpress.az xəbər verir ki, Dövlət Statistika Komitəsinin məlumatına görə, 2026-cı ilin ilk beş ayında ölkədə 15 min 107 nikah və 8 min 87 boşanma qeydə alınıb. Hər 1000 nəfərə düşən göstəricilərdə azalma olsa da, boşanmaların səviyyəsi yüksək olaraq qalır.Mövzu ilə bağlı sosioloq Naib Niftəliyev bildirib ki, boşanmaların nikahlara nisbəti təxminən 56-57%-ə çatıb. Sosioloq vurğulayıb ki, nikahların sayı azaldığı, boşanmaların isə sabit qaldığı üçün nisbi çəki artır. Problemin həlli üçün sosial-iqtisadi münasibətlərin tənzimlənməsi, genç ailələrin dəstəklənməsi, ailə dəyərlərinin təbliği və ailədaxili məsuliyyət hissinin gücləndirilməsi vacibdir.
