Auditorlar Palatasının əməkdaşlarına qarşı iki ildən artıq davam edən məhkəmə prosesi yekun mərhələsinə çatıb.
ELPRESS.az Qafqazinfo- a istinadən verdiyi məlumata görə, Bakı Ağır Cinayətlər Məhkəməsindəki iclasda prokuror ittiham nitqi ilə çıxış edib. İş üzrə Auditorlar Palatasının Maliyyə və texniki təminat idarəsinin sabiq rəisi və baş mühasibi Vəli Rəhimov, maliyyəçi-mühasib Gövhər Əhmədova və mühasib Fəridə Novruzova mühakimə olunur.Prokuror üç müttəhimin xüsusilə külli miqdarda mənimsəmədə təqsirli bilinərək hərəsinə 10 il həbs cəzası verilməsini tələb edib. Bundan əlavə, bu günə qədər azadlıqda olan müttəhimlərin məhkəmə zalında dərhal həbs edilməsi də tələb olunub.Təqsirləndirilən şəxslərə son söz üçün, onların vəkillərinə isə müdafiə çıxışına hazırlaşmaq üçün müvafiq vaxt tanınıb. Qeyd edək ki, həmin üç nəfər vəzifə səlahiyyətlərindən sui-istifadə yolu ilə 700 min manat mənimsəməkdə ittiham olunurlar.
