“AI4Real Bootcamp” proqramında 14 universitetdən 26 tələbə iştirak edib
Elpress.az xəbər verir ki, Azercell-in təşəbbüsü və dəstəyi, ADA Universitetinin təşkilatçılığı ilə keçirilən “AI4Real Bootcamp” intensiv təlim proqramı başa çatıb.Proqramda Azərbaycanla yanaşı, xarici ölkələrin universitetlərində STEAM istiqamətləri üzrə təhsil alan tələbələr iştirak ediblər. Seçim mərhələsindən sonra 14 universiteti təmsil edən 26 tələbə təlimlərə cəlb olunub.İştirakçılar süni intellektin müxtəlif sahələrdə praktiki tətbiqi ilə bağlı biliklər əldə edib, real biznes tapşırıqları üzərində çalışaraq AI texnologiyalarından istifadə etməklə müxtəlif həllər hazırlayıblar. Təlimlər akademik mütəxəssislər və sənaye ekspertlərinin iştirakı ilə təşkil olunub.Proqram çərçivəsində telekommunikasiya sahəsində süni intellektin tətbiqi üzrə real nümunələr təqdim edilib, texnologiyanın biznes üçün yaratdığı imkanlar və praktiki üstünlüklər müzakirə olunub. ADA Universitetinin professor-müəllim heyəti və dəvət olunan ekspertlər də müxtəlif AI həllərinin tətbiqi barədə iştirakçılara məlumat veriblər.İntensiv təlim və praktiki məşğələlər tələbələrin süni intellekt üzrə bilik və bacarıqlarının inkişafı ilə yanaşı, komanda işi, problem həlli və innovativ düşüncə qabiliyyətlərinin formalaşmasına da töhfə verib.Təlimin sonunda iştirakçılara sertifikatlar təqdim olunub. Ən yüksək nəticə göstərən beş tələbə isə yeni tədris ilində Azercell və ADA Universitetinin birgə təşkil edəcəyi hakatonda birbaşa iştirak etmək hüququ qazanıb.
