Muxtar respublikada sosial xidmətlərin rəqəmsallaşdırılması genişləndirilir
Elpress.az xəbər verir ki, Naxçıvan Muxtar Respublikasında sosial müdafiə sahəsində xidmətlərin rəqəmsal formada təqdim olunması genişləndirilir.Məlumata görə, 2023-cü ildən etibarən Naxçıvan üzrə məlumat bazaları Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sisteminin müvafiq altsistemlərinə inteqrasiya edilib. Bununla da muxtar respublikada qeydiyyatda olan vətəndaşlar sosial məsələlərlə bağlı müraciətlərini ölkə üzrə istənilən DOST Mərkəzinə və ya 142 Çağrı Mərkəzinə ünvanlaya bilirlər.Hazırda Naxçıvanda təqdim olunan 150 sosial xidmətdən 73-ü elektron, 50-si isə proaktiv formada göstərilir.Elektron və proaktiv xidmətlərin əsas məqsədi vətəndaşların əlavə sənədlər toplamasına və uzun inzibati prosedurlardan keçməsinə ehtiyac yaratmadan, hüquqları yarandığı andan müvafiq ödəniş və xidmətlərdən yararlanmalarını təmin etməkdir.Bu barədə vətəndaşlara məlumatların SMS bildirişləri vasitəsilə çatdırılması da nəzərdə tutulur.
