Fiziki şəxslər dini təyinatlı malları hansı şərtlərlə ölkəyə gətirə bilərlər?
Elpress.az xəbər verir ki, Fiziki şəxslərin dini təyinatlı malları və dini məzmunlu materialları gömrük sərhədindən keçirməsi ilə bağlı qaydalar açıqlanıb.Mövcud qaydalara əsasən, dini təyinatlı mallar, həmçinin audio, video və digər dini məzmunlu informasiya materialları fiziki şəxslər tərəfindən gömrük sərhədindən sadələşdirilmiş qaydada keçirilə bilər.Bunun üçün həmin materialların ölkəyə gətirilməsi və ya ölkədən çıxarılması Dini Qurumlarla İş üzrə Dövlət Komitəsinin razılığı əsasında həyata keçirilməlidir.Qaydalar fiziki şəxslərin istehsal və kommersiya məqsədi daşımayan malları gömrük sərhədindən güzəştli və sadələşdirilmiş prosedurla keçirməsini tənzimləyir.
