Paytaxtın və Abşeron rayonunun bəzi qəsəbələrində aparılan təmir-tikinti işləri nəqliyyatın hərəkətinə təsir edib.
Elpress.az xəbər verir ki, tətbiq olunan məhdudiyyətlər səbəbindən Sabunçu rayonunun Bakıxanov qəsəbəsində, Yavər Əliyev küçəsindən keçən 20 müntəzəm marşrutun hərəkəti alternativ yollarla təşkil olunub.Dəyişiklik 22, 24, 35, 40, 49, 55, 57, 60, 76, 78, 105, 106, 113, 141, 185, 186, 191, 208, 209 və 213 nömrəli avtobuslara aiddir. Onların əvvəlki hərəkət sxeminə bir gün ərzində qayıdacağı bildirilib.
Abşeronun Mehdiabad qəsəbəsində, Cəlil Məmmədquluzadə küçəsində tətbiq edilən məhdudiyyətlə əlaqədar 179 nömrəli marşrutun hərəkət sxemi də dəyişdirilib.Avtobuslar bir həftə ərzində Təbriz, Məhəmmədhüseyn Şəhriyar, 28 May, Fazil İsmayılov və Məhəmməd Əmin Rəsulzadə küçələri ilə hərəkət edəcək.
