Bakıda və bölgələrdə yağıntılı hava müşahidə olunur
Elpress.az xəbər verir ki, Sentyabrın 29-u saat 13:00-a olan məlumata görə, Azərbaycanın əksər ərazilərində yağıntılı hava şəraiti hökm sürür.Bakıda və Abşeron yarımadasında, eləcə də Naxçıvan, Daşkəsən, Ordubad, Gədəbəy, Göygöl, Gəncə, Naftalan, Şəmkir, Tovuz, Balakən, Zaqatala, Şəki, Şahdağ, İsmayıllı, Xınalıq, Qəbələ, Qax, Qrız, Qusar, Şabran, Xaçmaz, Quba, Xızı, Tərtər, Bərdə, Mingəçevir, Göyçay, Zərdab, Ağcabədi, Salyan, İmişli və Sabirabadda arabir şimşək çaxır və leysan xarakterli yağış yağır.Səhər saatlarında da ölkənin müxtəlif ərazilərində yağıntı və şimşək müşahidə olunub. Ən çox yağıntı Tovuz və Şahbuzda 8 mm, Gədəbəydə 5 mm, Sarıbaş və Balakəndə 4 mm, Zaqatala və Kürdəmirdə isə 3 mm qeydə alınıb.
