Azərbaycanın hərbi prokuroru beynəlxalq təmaslar çərçivəsində Rusiya və Çin hərbi prokurorluğunun rəhbər şəxsləri ilə bir sıra görüşlər keçirib.
Elpress.az xəbər verir ki, görüşlər zamanı hərbi prokurorluq orqanları arasında əlaqələrin hazırkı vəziyyəti və gələcək inkişaf istiqamətləri diqqət mərkəzində olub.
Rusiya tərəfi ilə keçirilən görüşdə peşəkar təcrübənin qarşılıqlı şəkildə paylaşılması, əməkdaşlığın daha da genişləndirilməsi və tərəfləri maraqlandıran digər məsələlər ətrafında fikir mübadiləsi aparılıb.
Hərbi prokuror daha sonra Çin Xalq Azadlıq Ordusunun Hərbi Prokurorluğunun baş prokuroru Sun Xiujun ilə də görüşüb.
Görüşdə iki ölkənin hərbi prokurorluq qurumları arasında qarşılıqlı əlaqələrin yaradılması və inkişaf etdirilməsi imkanları müzakirə olunub. Eyni zamanda qanunçuluğun təmin edilməsi istiqamətində təcrübə mübadiləsinin aparılması və gələcək əməkdaşlıq perspektivləri nəzərdən keçirilib.
