Gəncə şəhərində fəaliyyət göstərən “Gəncə Bazar Ticarət Mərkəzi” satış məqsədilə hərraca çıxarılıb.
Elpress.az xəbər verir ki, hərrac avqustun 11-də keçiriləcək. Obyektin ilkin qiyməti 18 milyon 400 min manat müəyyən edilsə də, ilk hərracda minimum satış qiyməti 15 milyon 640 min manat təşkil edəcək.
Məlumata görə, ticarət mərkəzinin Gəncənin sabiq icra başçısı Elmar Vəliyevə məxsus olduğu bildirilir. Obyekt kredit öhdəliklərinin yerinə yetirilməməsi səbəbindən satışa çıxarılıb.Bundan əvvəl də Elmar Vəliyevə məxsus “Grand Qafqaz Ticarət Kompleksi” bank borcuna görə hərraca çıxarılmışdı. Məhkəmə sənədlərinə əsasən, kredit borcu, faizlər və cərimələr daxil olmaqla bankın milyonlarla manatlıq maliyyə tələbi irəli sürülüb.
Qeyd edək ki, hərrac nəticəsində obyektin yeni sahibinin müəyyənləşəcəyi gözlənilir.
