Aysel Əlibəyli
23 İyul 2026 · 11:54
1010 baxış
Ukraynada azərbaycanəsilli Timur Tkaçenko (Məmmədov) Kiyev vilayətinin rəhbəri vəzifəsinə təyin edilib.
Elpress.az xəbər verir ki, bununla bağlı qərar Ukrayna Nazirlər Kabineti tərəfindən qəbul olunub və təyinat Prezident Volodimir Zelenskinin təqdimatı əsasında təsdiqlənib.
Timur Tkaçenko Ukraynada tanınmış Azərbaycan diaspor nümayəndəsi Firudin Məmmədovun oğludur. O, dövlət idarəçiliyi sahəsində uzun illər fəaliyyət göstərib və müxtəlif məsul vəzifələrdə çalışıb.
Qeyd edək ki, 1989-cu ildə Kiyevdə anadan olan Timur Tkaçenko daha əvvəl Ukraynanın Strateji Sənayelər Nazirliyində nazir müavini, həmçinin Kiyev Şəhər Hərbi Administrasiyasının rəhbəri kimi fəaliyyət göstərib. Yeni təyinatla o, Kiyev vilayətinin idarəçiliyinə rəhbərlik edəcək.
